好喇! 終於出場啦!!
係香港冇見過既牌子...DIMANCHE
法文, 意思係"星期日";
係台灣本土品牌;
根據誠品網頁, 仲有weekly schedule, 1年日記, 半年日記等等都有
yeah! 內頁展開圖! 之前見過唔少網友, youtube都見過唔少人發明唔少方法記錄自己既紙膠帶BB, 最經典都係用普通notebook啦, 而我...唉...用緊...(唔好"下"出聲) 學校家課日誌...............我諗我應該解釋一下究竟係咩一回事. 學校家課日誌大約B5 size,其實都幾就手. 純粹係咁喇LOL
anyway講番呢度, 有晒齊全欄位紀錄, 就連我甚少評論既"quality", "design"都有埋, 咁始終自己覺得唔靚都唔會買啦係咪. 其他野都正正常常; 兌番港紙其實都幾抵買講真個句. 不過如果各位觀眾屋企係有成村BB既話用活頁式可能更好用, 如果唔係猛買refill都唔係辦法. 呢度每版有3欄痴3張紙膠帶, 算係合理既排版, 只係如果D循環長些少就可能有D問題, 下面就會見到.
首先上場既係Kikusui 菊水
左係超受歡迎既午後藍天
右係染黑牛皮--星想事成
睇睇佢既厚度都覺得價錢幾合理
10M 同Kamoi MT一樣
(總係有種感覺台灣出產台灣買會好D)
就咁睇仲以為佢真係牛皮膠紙添
呀, 冇錯佢的確係.
盒面仲寫住"不可重複黏貼"
想買既要特別留意
痴錯冇second chance架.........
3rd in line就係佢喇!
但係最sad既係, 紙膠帶真係1分錢1分貨架...嗚嗚嗚......貪平就係咁
人類最愚蠢既錯誤就係重複犯同一樣錯誤啊!
pattern嘛...只係因為見佢係台灣pattern合乎主題先買的= =
睇下午後藍天幾靚! 一見到已經愛不惜手
好鍾意佢既漸變色
香港既黃昏其實都可以好靚, 正正就係咁樣, 不過唔係呢種藍遮, 講講下不如去行山......
自己有卷Kamoi MT, 係漸變彩虹色, 最初都幾鍾意, 不過發現如果剪剩紫色會同個藍色好唔夾, so far係午後藍天都冇發現呢個問題, 係就係上面個黃色轉到去藍色有少少突左咁. 慢慢用住先, 如果發現有咩問題再報告啦orzorz
KO! 貼完第1版頭3卷紙膠帶就係咁啦! 最上個行牛皮膠紙只痴得一行, 都係星星遮!
我想講...我唔太睇得明/清楚佢D字....個人認為似德文多D :O anyway我上面只既出問題就係呢度--循環都可以, 唔算特別長啦, 相比起某D牌子......但都已經唔夠位畀我整埋牌子貼紙落去
不過A5 size, 要求就唔可以好似B5咁高既
話咁快第2版就畀紙膠帶"入侵"lu~~ (咩話collection book明明就唔係拎離放紙膠帶架咩?!)
目前只有5位居民, 睇離要盡快搬遷其他居民免得佢地孤獨 (=買多D?XD)
沒有留言:
發佈留言